ISLAMIC

Shaitaan Iblees Ne Yaum Awwal (Pahele Hi Din Se) Jab Use Khabar Mili Thi Ke ALLAH TA – ALA Ne Mitti Se Aadam Ka Putlaa Banaya Hai Aur Unhe Apna Khalifa Banayega , Toh Uss Ne Usi Waqt Se Apne Dil Me Hazrat Aadam Ke Liye Bugz , Adaavat (Dushmani) Aur Nafrat Paal Rakhi Thi . Aur Isi Nafrat Aur Hiqaarat Ki Wazaah Se Uss Ne Aadam Ke Putle Par Thook Diya . ALLAH TA – ALA Ne Hazrat Jibrayeel Alaihe As Salam Ko Huqm Diya Ki Iblees Ki Thook Ko Hazrat Aadam Alaihe As Salaam Ke Putle Se Khurach Kar Nikaal De . Jab Hazrat Jibrayeel Alaihe As Salam Ne Aadam Ke Putle Se Iblees Ke Thook Ko Khurach Kar Nikala Toh Uss Thook Ke Saath Kuch Mitti Bhi Nikal Aayee , Aur Riwaayto Me Hai Ki Uss Mitti Se Kutta ( Dog ) Ko Banaya Gaya . Ab Kyon Ki Kutte Ki Takhleeq ( Banaane ) Me Iblees ka Thook Mila Huwaa Hai Isiliye Kutte Ko Napaak Kahaa Jata Hai , Aur Kutte Ki Takhleek Me Aadam Ki Mitti Bhi Mili Huyee Hai , Isiliye Dusre Jaanwaro Ke Muqaable Me Kutte Ki Unsiyat ( Lagaav ) Insaano Se Bahut Jiyada Hai .Aur Kutte Insaano Ke Aas – Paas Rahena Jiyadah Pasand Karte Hai
Aap Huzur – E – Aqdas Mohammed Mustafa Sallal Laho Alahe Wa Sallam Ki Eik Hadees Mubaaraka Hai Jis Me Aap Ne Farmaya Ki '' Jis Ghar Me Kuttaa ( Dog ) Aur Kisi Jaandaar Ki Tasweer Ho , Uss Ghar Me Rahemat Ke Farishte Nahi Daakhil Hote ,''
Aziz Dosto ,… Hazrat Aadam Alaihe As Salam ka putla (Dhancha) Tayyar hone ke ( 40 )Saal bad uss me jaan dali gayi.. Eik Qaul ke Mutabiq 120 Saal hai , Hazrat Ibn-e Abbas ( RadiAllahu anha ) farmate hai ke Hazrat Adam Alaihe as salam ka Putla 40 Sal tak Chamakti Mitti ki Shakl me raha… fir 40 saal tak siyaah ( Kaali )Mitti ki Shakl me raha… fir 40 saal tak Khanakti Mitti ki Shakl me raha… Iss tarah se ( 120 ) saal ka Waqt guzar jane ke baad Allah pak ne uss me Jaan dali.
AL QUR'AN …… Tarzuma : ALLAH TA - ALA Ne Farishto Se Farmaya Ki '' MAIN ! Jab Iss Putle Me Apni Rooh Foonkoo Toh Tum Sab Sajde Me Gir Jaana , Toh Sab Ne Sajda Kiya Siwaaye Iblees Ke .''
ALLAH Subhanahu Ta - ala ne Iblees se Farmaya '' Jab sab ne sajdaa kiya to Tu ne Sajda kyon nahi kiya ? Tujhe kis Cheez ne Roka ?''
Iblees ne apni galti nahi mani aur Takabbur ( Ghamand ) se kahaa '' Main Iss se Afzal ( behtar ) hoon , Tu ne Mujhe Aag se paida kiya aur Ise Sadhi huyee Mitti se (Khanakti huyee Mitti ) se paida kiya . ALLAH Subhanahu Ta - ala ne Huqm diya '' Nikal ja yahaa se , aaj se Tu Razim (Dhutkaara ) huwaa hai , aur Tujh pe Laanat hai .'' Iblees ne kahaa '' Aye Mere RAB , jis ki wazaah se Tu ne Mujhe Dhutkaara , Mujhe Gumraah kiya aur Laanat ki ,toh Mujhe Qayaamat tak Mohlat de ke main Ise aur is ki Aulaado ko Gumraah karoo aur inhe Teri Raah se rokoo , aur Main chahe Aage se Piche se Upar se Niche se Jahaa se bhi Aawoo koi Mujhe dekh na sake .''
ALLAH Subhanahu Ta - ala ne Farmaya '' Mujhe apne Jalal ki kasam , ja Tujhe Mohlat di , Lekin main Tujhe aur jo bhi Teri paivi karega ya Tere Naqse qadam par ya Tere batlaaye huve Raaste par chalega un sab ko Jehannum me bhar dooga . aur Insaano ki Rahenumaayee ke liye Main apne Nabiyo aur Rasoolo ko bhejooga .jo bhi Muttaqi aur Parhezgaar hoga aur nek amal karega Main use Jannat ke Baago ( garden ) me Dakheel Karooga .
Iblees Ka Naam Isiliye Iblees Padha Kyon Ki Us Ne Khullam Khulla ALLAH TA – ALA Ke Huqum Ki Nafarmani Ki Aur Hazrat Aadam Alaihe As Salam Se Bugz Rakha . Jis Ki Wazzah Se ALLAH TA – ALA Ki Har Nemato Se Mayoos Kar Diya Gaya . Woh Eik Aisa Banda Tha Jisne Apni Neki Aur Badee ( Achchayee Aur Buraayee ) Aapas Me Kallat – Mallat ( Aapas Me Milaa Diya ) Kar Diya . Isiliye Woh Iblees Ke Naam Se Mashhoor Huwaa .
Iblees” Par Sabse Pahle La’nat,Hazrat Jibreel Alaihe As Salam Ne Ki… Fir Hazrat Mikayeel Alaihe As Salam ne… Fir Hazarat Israfeel Alaihe As Salam Ne… Fir Hazrat Izrail Alaihe As Salam Ne Ki Thi .
EIK RIWAAYAT ME HAI KE '' INKARE SAJDA – E - AADAM ALAIHISSALAM KE BAAD IBLEES KA JISM KHINZEER YANI (PIG) KI SHAKL ME AUR CHEHRA BANDAR KI TARAH HO GAYA...''
SOORAT, HAIBAT , NEMAT SAB KUCHH CHHEEN LIYA GAYA.... AUR NICHE LIKHI GAYEE SAZAAVO KA MUSTAHIQ HUWA.....
(1) TAMAM ROO – E - ZAMEEN AUR AASMAN AWWAL KI BADSHAHAT KE ALAWA JANNAT KE AFSAR - E - KHAZANA KE OHDE SE MAHROOM KAR DIYA GAYA - BALKI HAMESHAA HAMESHA TAK JANNAT KA DAKHILA BAND KARDIYA GAYA.
(2) HAQ TAALA KE QURB SE MAHROOM HUWA.
(3) AZAZEEL NAAM TABDEEL KAR KE IBLEES NAAM TAJWEEZ KIYA GAYA.
(4) BAD BAKHT LOGON AUR KUFFAR KA PESHWA BANA DIYA GAYA.
(5) HAMESHA HAMESHA KE LIYE MALWOON WA MARDOOD BANA DIYA GAYA.
(6) MAAREFAT ILAHI KI DAULAT SE HAMESHA KE LIYE MAHROOM HO GAYA.
(7) TAUBA KA DARWAZA USKE LIYE BAND KARDIYA GAYA.
(8) NEKI SE HAMESHA KE LIYE MAHROOM KAR DIYA GAYA.
(9) TAMAM DOZAKHYON KA KHATEEB MUQARRAR HUWA.

TO BE CONTINUE...

Share on Facebook Share on Twitter Share on Google Plus

About Faruque Aalam

This is a short description in the author block about the author. You edit it by entering text in the "Biographical Info" field in the user admin panel.